မြစေတီနှင့်ငဆောင်ချမ်း

 

မြစေတီ၊ ရေကြည်ရစ်ပြာနှမ်း။

တောင်ညိုရိပ်ကယ်တို့

ချွေးသိပ်အောင် စီစဉ်လို့

သူ့ရင်ခွင် နားပျော်စက်စေတဲ့

ကုန်းထက်ရွာတန်း။

 

မြစေတီ ရွာအစပ်

ရှိုကပ်တဲ့မြောင်စွယ်မှာ

ရှေးဝယ်က ငဆောင်ချမ်း။

 

အုတ်ချပ်ကျိုးငယ်တို့

မြို့ရိုးပုံ မြေဝင်လို့

နှောင်းယခင် ပုဂံအတိတ်ကို

ရိုးရိပ်သစ်ဆန်း။

 

သည်နေရာ သည်အနားပေါ့

ပုဂံသားနဲ့နယ်ချဲ့သူ

စစ်မြှူကြ လက်တကမ်း။

 

သည်တဝိုက်ကယ်က

လယ်စိုက်သူ ထွန်ဖြုတ်လို့

ယာလုပ်သူ ယာခုတ်ဓားငယ်နဲ့

ကျူးကျော်သူ ဝေးရာရှားတဲ့အောင်

အားထုတ်လက်စမ်း။

 

အရေးတဲ့ဆို

မခိုကြ မကပ်တမ်း။

ဧရာရေ သက်သေပြပါလို့

မြစေတီ ဗမာ့သွေးငယ်နဲ့

အလွှာစုံ ညီအောင် ထွေးခဲ့တယ်

ရှေးက ငဆောင်ချမ်း။

ဗန်းမော်ညိုနွဲ့

မြဝတီမဂ္ဂဇင်း၊ ၁၉၇၄၊ အောက်တိုဘာ၊ အတွဲ ၂၂၊ အမှတ် ၁၂။