မောမြေကို လွမ်းသည်

ဟိုးဝေးဝေးမှ

မှေးမှေးမှုန်ပျ၊ ရှမ်းရိုးမကို

မြင်ရလေလေ၊ မောတို့မြေကို

တွေဝေလွမ်းဆွတ်မိပါသည်။

သည်လရာသီ၊ မောမြေဆီတွင်

နှင်းရည်ပက်ဖျန်း၊ တုန်အောင်ချမ်းလိမ့်။

သည်လရာသီ၊ မောမြေဆီတွင်

ချယ်ရီလည်းပွင့်၊ တောလုံးတင့်လိမ့်။

သည်လရာသီ၊ မောမြေဆီတွင်

မိုင်းကျီတွတ်ပွဲ၊ ခေါပုတ်ပွဲတို့

ဆင်နွှဲပျော်ကြရှာရော့မည်။

သည်လရာသီ၊ မောမြေဆီတွင်

ရွှေရည်ဝင်းဝါ၊ ယိမ်းနွဲ့ခါသည့်

တောင်ယာစပါး၊ လူထုအားဖြင့်

ပျော်ပါးရိတ်သိမ်းရှာလိမ့်မည်။


မောမြေမြင့်ကား၊ တင့်မောလှပ

မေ့မရအောင်၊ ရစ်ပတ်နှောင်ခဲ့။


ဟိုးဝေးဝေးမှ

မှေးမှေးမှုန်ပျ၊ ရှမ်းရိုးမကို

မြင်ရလေလေ၊ မောတို့မြေကို

တွေဝေလွမ်းဆွတ်မိပါသည်။

အဆိုး(မြေလတ်)

ငွေတာရီမဂ္ဂဇင်း၊ ၁၉၇၁ ခုနှစ်၊ ဒီဇင်ဘာလ၊ အမှတ် ၁၃၈၊ နှာ ၁၁ဝ။